ಶಿವಣ್ಣ ಈಗ ಕ್ಯಾನ್ಸರ್ ಫ್ರೀ !

ಶಿರಸಿ: ದೊಡ್ಮನೆಯಿಂದ ಹ್ಯಾಪಿ ನ್ಯೂಸ್ ಸಿಕ್ಕಿದೆ. ಶಿವರಾಜ್‌ಕುಮಾರ್ ಕಡೆಯಿಂದ ಸಿಹಿ ಸುದ್ದಿ ಹೊರಬಿದ್ದಿದೆ. ಹೊಸ ವರ್ಷದಂದು ಅಭಿಮಾನಿಗಳು ನಿಟ್ಟುಸಿರು ಬಿಟ್ಟು ಸಂತಸ ಪಡುವ ಸಂಗತಿಯನ್ನೇ ಶಿವಣ್ಣ ಹಾಗೂ ಪತ್ನಿ ಗೀತಾ ಹಂಚಿಕೊಂಡಿದ್ದಾರೆ. ಅದೇನಪ್ಪಾ ಅಂದ್ರೆ, ಶಿವರಾಜ್‌ಕುಮಾರ್‌ ಅವರ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದ್ದು, ಮಾರಕ ಕಾಯಿಲೆ ಕ್ಯಾನ್ಸರ್‌ ಅನ್ನು ಗೆದ್ದುಬಿಟ್ಟಿದ್ದಾರೆ. ‘ಶಿವಣ್ಣ ಈಗ ಕ್ಯಾನ್ಸರ್ ಫ್ರೀ’ ಅಂತ ವೈದ್ಯರು ಘೋಷಿಸಿದ್ದಾರೆ.ಅಮೆರಿಕದ ಕ್ಯಾನ್ಸರ್‌ ಆಸ್ಪತ್ರೆಯಿಂದ ವಿಡಿಯೋ ಸಂದೇಶ ಹಂಚಿಕೊಂಡಿರುವ ಗೀತಾ ಶಿವರಾಜ್‌ಕುಮಾರ್‌, ‘’ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು. ನಿಮ್ಮೆಲ್ಲರ ಪ್ರಾರ್ಥನೆಯಿಂದ ಶಿವರಾಜ್‌ಕುಮಾರ್ ರಿಕವರಿ ಆಗಿದ್ದಾರೆ. ಎಲ್ಲಾ ರಿಪೋರ್ಟ್ಸ್ ನೆಗೆಟಿವ್ ಬಂದಿದೆ. ಇವಾಗ ಶಿವಣ್ಣ ಕ್ಯಾನ್ಸರ್‌ ಫ್ರೀ ಅಂತ ವೈದ್ಯರು ಅಧಿಕೃತವಾಗಿ ಹೇಳಿದ್ದಾರೆ. ನಿಮ್ಮೆಲ್ಲರ ಪ್ರಾರ್ಥನೆ ಹಾಗೂ ಆಶೀರ್ವಾದದಿಂದ ಶಿವಣ್ಣ ಚೆನ್ನಾಗಾಗಿರೋದಕ್ಕೆ ಸಾಧ್ಯವಾಗಿದೆ. ನಾನು ಇದನ್ನ ನನ್ನ ಲೈಫ್‌ನಲ್ಲಿ ಯಾವತ್ತೂ ಮರೆಯೋದಿಲ್ಲ’’ ಅಂತ ತಿಳಿಸಿದ್ದಾರೆ.ಶಸ್ತ್ರಚಿಕಿತ್ಸೆಯ ಬಳಿಕ ಚೇತರಿಕೆಯ ಹಾದಿಯಲ್ಲಿರುವ ಶಿವರಾಜ್‌ಕುಮಾರ್ ಕೂಡ ವಿಡಿಯೋದಲ್ಲಿ ಮಾತನಾಡಿದ್ದು, ‘’45’ ಇಡೀ ಸಿನಿಮಾ ನಾನು ಕೀಮೋ ಥೆರಪಿ ಮಾಡಿಸಿಕೊಂಡೇ ಮಾಡಿದ್ದು. ಅದ್ಹೇಗೆ ಮಾಡಿದ್ನೋ ಗೊತ್ತಿಲ್ಲ. ಯಾವುದೋ ಜೋಷ್‌ನಲ್ಲಿ ಮಾಡಿಬಿಟ್ಟೆ. ಇಲ್ಲಿಗೆ ಹೊರಡುವಾಗ ಟೆನ್ಷನ್‌, ಭಯ ಇತ್ತು. ಗೀತಾ ಯಾವಾಗಲೂ ಜೊತೆಯಲ್ಲಿ ಇದ್ದಳು. ಗೀತಾ ಇಲ್ಲದೆ ಶಿವಣ್ಣ ಇಲ್ಲವೇ ಇಲ್ಲ. ಆಪರೇಷನ್‌ ಸಕ್ಸಸ್ ಆಗಿದೆ. ನನಗೆ ಯೂರಿನರಿ ಬ್ಲಾಡರ್‌ ತೆಗೆದಿದ್ದಾರೆ. ಹೊಸ ಬ್ಲಾಡರ್‌ ನನಗಿದೆ ಅಷ್ಟೇನೇ. ನಿಮ್ಮೆಲ್ಲರ ಆಶೀರ್ವಾದವನ್ನ ನನ್ನ ಜೀವನದಲ್ಲಿ ಯಾವತ್ತೂ ಮರೆಯೋದಿಲ್ಲ. ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು. ಆದಷ್ಟು ಬೇಗ ನಾನು ವಾಪಸ್ ಆಗ್ತೇನೆ’’ ಅಂತ ಹೇಳಿದ್ದಾರೆ.